အမေ့သားလေး အရှင်ဂမ္ဘီရသို့

သားရှိနေတဲ့ အင်းစိန်ထောင်ကို
အမေတို့ ရောက်လာခဲ့တယ် သားရေ....။
သားကို အမေ သိပ်တွေ့ချင်ပါတယ်။
တွေ့ခွင့်မရခဲ့ဘူးကွယ်။
အမေ ထောင်အုတ်တံတိုင်းကြီးတွေကို ကြည့်ပြီး
သားတို့နဲ့ အမေ့ကို ဒီထောင်အုတ်တ့တိုင်းကြီးတွေက
ခြားထားတာပဲ ဆိုပြီး
အုတ်တံတိုင်းကြီးတွေနဲ့ အမေစကားပြောခဲ့တယ်။


`အမေ့ကို ဘာဖြစ်လို့ အမေ့သားလေးတွေနဲ့ ခြားထားတာလဲ။
သားတွေနဲ့ တွေ့ပါရစေ။ အဝေးကြီးကနေ လာရတာမို့ပါ။
ခဏလေးဖြစ်ဖြစ် တွေ့ပါစေ´ဆိုတော့
သူတို့က ဘာမှ ပြန်မပြောဘူးသားရယ်။

သားရယ်၊ သားအဖေရယ်၊ သားအစ်ကိုကြီးရယ်
အမေနဲ့ နီးနီးလေးမှာ ရှိနေရက်နဲ့
အမေ သားတို့ကို မတွေ့ခဲ့ရဘူး။

အမေလေ အဲဒီအချိန်လေးမှာ
ဒေးဗစ်ကော်ပါဖီး ဖြစ်ချင်တယ်။
သူက မီးရထားကြီးတွေ၊ ကားကြီးတွေတောင်
ဖျောက်နိုင်တယ်ဆိုတော့
ထောင်အုတ်တံတိုင်းကြီးတွေကိုလည်း
ဖျောက်နိုင်မှာပဲနော်။

အမေလေ အဲဒီအချိန်မှာ
စူပါမင်းလည်း ဖြစ်ချင်တယ်။
အမေသာ စူပါမင်းရဲ့ စွမ်းအားတွေ ရမယ်ဆိုရင်ဖြင့်
ထောင်အုတ်တံတိုင်းကြီးတွေကို ကျော်ပြီး
တိတ်တိတ်လေး သားတို့ကို လာပြီးတော့ တွေ့နိုင်မှာ။

အမေလေ သိကြားမင်းကြီးလည်း ဖြစ်ချင်တယ်။
အမေသာ သိကြားမင်းကြီးဖြစ်ခဲ့ရင်
သိကြားမင်းရဲ့ တန်ခိုးက္ကုဒ္ဓိပါဒ်တွေနဲ့
သားတို့ကို လာပြီးတွေ့မယ်။
ပြီးတော့ ကယ်ထုတ်မယ်လေ။

အခုတော့ အမေဟာ
ဒေးဗစ်ကော်ပါဖီးလည်း မဟုတ်..
စူပါမင်းလည်း မဟုတ်...
သိကြားမင်းကြီးလည်း မဟုတ်တဲ့အတွက်
အမေ သားတို့ကို တွေ့ချင်ရက်နဲ့ မတွေ့နိုင်ခဲ့ဘူး။
ထောင်အုတ်တံတိုင်းကြီးတွေကို ကြည့်ပြီး
အမေ ငိုခဲ့ရပါတယ်။

သားရယ်၊ သားအစ်ကိုကြီးရယ်၊ သားအဖေရယ်ကို
အမေ တွေ့ချင်လွန်းလို့ လာခဲ့ရပေမယ့်
သားတို့မျက်နှာလေးတွေကို အမေ မမြင်ခဲ့ရဘဲ
ပြန်ခဲ့ရပါတယ် သားရယ်။
ထောင်အုတ်တံတိုင်းကြီးတွေကို ပြောခဲ့သေးတယ်။
`နောက်တခါ ကျမလာရင်တော့
ကျမသားလေးတွေကို ကျမ တွေ့ပါရစေနော်၊
အခုတော့ ကျမ ပြန်လိုက်ပါဦးမယ်´......။

စက်တင်ဘာရွှေဝါရောင်တွေလှန်ရေးအတွင်း ဖမ်းဆီးခံခဲ့ရသော အရှင်ဂမ္ဘီရအတွက် မိခင် ဒေါ်ရေးမှ ရေးဖွဲ့ထားသော ကဗျာဖြစ်ပါသည်။ ကဗျာကို ဒီဗွီဘီ အင်တာနက်စာမျက်နှာမှ ပြန်လည်ဖော်ပြထားပါသည်။