တက်စ်လီမာ နက်စ်ရင်းနဲ့ သူမကဗျာ
တက်စ်လီမာ နက်စ်ရင်း(Taslima Nasreen) ဟာ ဘင်္ဂလားဒေ့ရ်ှနိုင်ငံက အမျိုးသမီးရေးလှုပ်ရှားသူ ကဗျာဆရာမပါ။ သူမဟာ ဆေးပညာကို လေ့လာပြီး ဒက္ကာဆေးရုံက သားဖွားမီးယပ်ဌာနမှာ တာဝန်ထမ်းဆောင်ခဲ့ပါတယ်။ ဆေးပညာကို လေ့လာသင်ယူနေစဉ်မှာ သူမဟာ အမျိုးသမီးရေးဝါဒရေးရာ ဆောင်းပါးတွေ ရေးသားခဲ့သလို ကဗျာနဲ့ ၀တ္တုတွေကိုလည်း ရေးသားခဲ့ပါတယ်။ ၁၉၉၃ ခုနှစ်မှာ ရေးသားခဲ့တဲ့ အရှက်တရား (Shame) ဆိုတဲ့ စာအုပ်ပါ စကားရပ်တွေက မွတ်စလင်နဲ့ ဟိန္ဒူတွေကြားမှာ တင်းမာမှုတွေ ဖြစ်စေခဲ့တာကြောင့် ပိတ်ပင်ခံခဲ့ရပါတယ်။ ၁၉၉၄ ခုနှစ်မှာ ဥရောပပါလီမန်က လွတ်လပ်စွာ တွေးခေါ်မှုဆိုင်ရာ ဆခါရော့ဗ်ဆုကို အပ်နှင်းခဲ့ပါတယ်။
သူမရဲ့ စကားလုံးတွေကြောင့် ရှေးရိုးစွဲဝါဒီတွေက သေဒဏ်ပေးဖို့ တောင်းဆိုခံခဲ့ရပါတယ်။ နက်စ်ရင်းဟာ ဘင်္ဂလားဒေ့ရ်ှကနေ တိတ်တဆိတ်ထွက်ခွာပြီး ဆွီဒင်နိုင်ငံမှာ ခိုလှုံနေရပါတယ်။ ၂၀၀၄ ခုနှစ်မှ ယူနက်စ်ကိုက အပ်နှင်းတဲ့ သည်းခံစိတ်ရှည်မှုနဲ့ အကြမ်းမဖက်မှုအတွက် အပ်နှင်းတဲ့ မန်ဒါဂျစ်ဆင်း ပညာသင်ဆုကို ရရှိပြီး အမေရိကန်နိုင်ငံမှာ သုတေသနလုပ်နေပါတယ်။
အခု သူမရဲ့ `ဒေါင်ရီ´ဆိုတဲ့ ကဗျာလေးကို ဘာသာပြန်ဖော်ပြလိုက်ပါတယ်။ ဒေါင်ရီဆိုတာက တောင်အာရှနိုင်ငံတွေမှာ လက်ထပ်မင်္ဂလာပွဲကျင်းပရင် သတို့သမီးဖက်က သတို့သားကို တင်တောင်းရတဲ့ ငွေကြေးဖြစ်ပါတယ်။ ဒီကဗျာဟာ အမျိုးသမီးရေးဝါဒ၊ အမျိုးသမီးအခွင့်အရေး၊ ဘာသာရေးအယူသည်းမှုတွေနဲ့ အမျိုးသမီးတွေအပေါ် ဖိနှိပ်မှုတွေကို ဆန့်ကျင်ဖော်ပြထားတဲ့ အမျိုးသမီးတို့ရဲ့အကြောင်း (All about Women) ဆိုတဲ့ ကဗျာစာအုပ်ထဲက ဖြစ်ပါတယ်။
ဒေါင်ရီ
သမီးငယ်ရဲ့ လက်ထပ်မင်္ဂလာကြေးရရှိဖို့
ဆာမီရမ် မန်ဒဲလ်ဟာ သူရဲ့ လယ်ယာသီးနှံတွေကို ရောင်းချခဲ့တယ်။
ဒါပေမယ့် မလောက်ငပါဘူး။
နောက် အိမ်ကို ရောင်းလိုက်တယ်။
မလောက်သေးပါဘူး။
`ကျန်တဲ့ငွေတွေကို နောက်တော့ပေးပါမယ်´ဆိုတဲ့ ကတိနဲ့
သူဟာ သူ့သမီးကို ယောက်ျားပေးစားလိုက်တယ်။
သတို့သမီးငယ်ဟာ နေ့စဉ် ကျိန်ဆဲခံရတယ်။
ပါးကိုရိုက်တယ်၊ ကန်ကျောက်ခံရတယ်။
နောက် ကြိမ်နဲ့လည်း ရိုက်ခံရတယ်။
သူမ ဥယျာဉ်ထဲက ပန်းပွင်းလေးတွေဟာ ညှိုးနွမ်းကြွေကျခဲ့ပြီး
ဆူးတွေပဲ ပွင့်လာခဲ့ရတယ်။
ဒီလိုနဲ့ တနှစ်ကျော်လာခဲ့တယ်။
`ကျန်တဲ့ ဒေါင်ရီငွေကို ဘာကြောင့် မပေးသေးတာလဲ ဆာမီရမ်´။
`စုထားတဲ့ ငွေပြည့်ခါနီးပါပြီ။ ခဏလေးစောင့်ပါ။ ကျနော့်ကို အချိန်နည်းနည်းပေးပါ´။
ဒါပေမယ့် အချိန်က နှောင်းသွားပြီ။
ဒေါင်ရီငွေနောက်ကျတာကြောင့်
သတို့သားက သတို့သမီးကို ဓားနဲ့ ခုတ်သတ်လိုက်တယ်။
ဆာမီရမ်ဟာ စကားတခွန်းမှ မဟနိုင်ဘူး။
ရှက်ရွံ့ စိတ်နဲ့ ခေါင်းငုံ့နေရတယ်......။
တက်စ်လီမာ နက်စ်ရင်း
(ချိုးလင်းပြာအမျီုးသမီးစာစောင်မှ)
